كن جميلا تري الوجود جميلا !
- Monir El-Shazly
- Jun 11, 2023
- 1 min read
مع التغيير الكبير اللي بيحصل في العالم في خلال السنين الاخيره، من كورونا لتغيرات اقتصاديه، لتغيرات اجتماعيه؛ ناس كتيره بتشتكي من تغيّر اخلاق الناس و تغيّر طباعهم! و ان زمان الدنيا كانت سهله و الناس كانت طيبه، انما دلوقتي الدنيا بقت زي الغابه و ان لازم الواحد مايبقاش طيب علشان "الطيبين بيِتّاكلوا في الزمن ده"...
طب لو كلنا ما بقيناش طيبين و طَلَعنا بس الشر اللي فينا لبعضينا...بنشتكي من اللي بيحصل ليه؟؟
لو عايزين الحياه تتغير ...لازم نبدأ بتغيير حياتنا ...
و لو نِفسنا ان الناس تبقي طيبه تاني...محتاجين نحتفظ بالطيبه اللي فينا و نعاملهم كويس...
الناس اللي حلوه من جوه، بتشوف الحاجات الحلوه في الدنيا ...
و الناس اللي جواها خوف و كره و صراع، بتشوف الحاجات دي كلها في كل حته حواليها ...
التغيير عمره ما حييجي من بره... التغيير بيحصل من جوه الأول...من جوانا.
امي الله يرحمها كانت دايما تقوللي جملة ايليا ابو ماضي ....."كن جميلا..تري الوجود جميلا" ...
لمّا ننقي قلبنا من الخوف و الغضب و من الكراهيه ... حنعرف نشوف الجمال في الدنيا ... لأنه علي طول موجود !
YouTube: Monir El Shazly
Facebook page: @monirelshazlyspiritual
Instagram: monir.elshazly.spiritual
Comments