علاقة جدول الضرب و تجميع الحسنات

بقالي يومين تلاته بتجيلي رساله من اكتر من صديق بمناسبة ليلة القدر. الرساله بتتكلم عن ان الواحد لازم يكثف جهوده في العشره الاواخر من رمضان و يعمل حسنات زياده (او يطلع دعوات من بق ابوه و امه زي مابتقول الرساله) علشان الحاجات دي حتضرب في ١٠٠٠ فحيبقي كأنك عملت كده لمدة ٨٤ سنه (لأن {ليلة القدر خير من الف شهر} سورة القدر -٣ ).. و علي الرغم من ان الحاجات اللي بتتكلم عنها الرساله في المُجمل هي حاجات جميله (زي بر الوالدين ، و الصلاه و الذكر) الا ان مفهوم التجاره و الضرب في ١٠٠٠ علشان “تجمع حسنات اكتر ” هو مفهوم في رأيي بيبعد الواحد عن الهدف من العباده.

هل الهدف هو “تجميع الحسنات” ، او ” الدخول للجنه” او “الخوف من النار “… ولا الهدف هو القرب من ربنا ؟

شكرا لكل واحد بعتلي طبعا ، بس انا احب اقول ان علاقتي بربنا مش مبنيه علي جدول الضرب و تجميع الحسنات… علاقتي بربنا مبنيه علي الحب ، اللي اتمني انه في يوم من الايام يوصل انه يكون غير مشروط!… زي ما قال #البسطامي و هو بيكلم ربنا ” اريد ان لا اريد…غير ما تريد!”

#منير_الشاذلي

Youtube: http://www.YouTube.com/c/MonirElShazly

Facebook page : http://www.facebook.com/Inspiredbeingcoaching