​انت مش محتاج تكون طبيعي :)

لأن لو عايز تكون طبيعي حيبقي ده اللي الناس متوقعينه منك : 1] تقعد سنين في الجامعة علشان بعد كده ماتلاقيش وظيفه ليها علاقه بدراستك او باللي انت بتحبه.

2] تشتغل من تسعة صباحا لخامسة او سته بعد الظهر في حاجه مابتحبهاش او مابتستمتعش بيها ، (علشان تبطل شغل بعد 30 او 40 سنه)

3] و لما تطلع علي المعاش تكتشف أن ماعندكش طاقة تستمتع بالحياة

4] تحاول تكون ناجح ماليا بدل من انك تحاول تكون سعيد.

5] تتريق علي اللي عايزين يكونوا سعداء بدل ما يجمعوا فلوس و تقول عليهم “ناس ماعندهاش طموح” .

6] تقارن سيارتك وبيتك وهدومك مع الناس التانيه، وتحدد درجة نجاحك في الحياة علي حسب المقارنات دي , بدل ماتحاول تعرف السبب الحقيقي لوجودك في الحياة.

7] ماتتكلمش مع اي حد غريب او مختلف

8] تفتكر ان ابوك وأمك دايما صح (أو دايما غلط)… او انهم لازم يكونوا ملايكه مابيغلطوش!

9] تتجوز و تخلف وتفضل معاها (او تفضلي معاه) على الرغم من أن الحب راح، بحجة انه علشان الأطفال!

10] تنتقد اي حد مختلف (او بيحاول يكون مختلف).

11] تقتنع و تصدق كل حاجه بتقراها او تسمعها (من سياسيين , اعلاميين , او من رجالة دين).

12] تبتسم لما تكون عايز تعيط, وتقول للناس اللي بيبينوا مشاعرهم انهم لازم ينشفوا (او يسترجلوا)

13] تلبس علي الموضة بدل ما تلبس اللي مريحك

14] تفتكر أن الشهرة والثروة دايما بيجيبواالسعادة!

15] تركز في جمال الشكل بدل جمال الجوهر.

16] تحاول أن تكون أحسن، وأنجح من غيرك!

17] تحاول تبين انك عارف كل حاجه، وأن وجهة نظرك دايما صح!

18] تسيب الحاجات المهمه في الحياة لغاية لما مايبقاش عندك وقت او قدره انك تعملها.

19] تاخد أدوية ومضادات الاكتئاب علشان تقدر تتعامل مع الحياة و ضغوطها (بدل ما تستمتع بالحياة!).

20] تلوم الحكومة أو الاقتصاد أو العدو (ايا كان مين هو) أو تلوم ربنا على كل حاجه مش عجباك.

21] تفتكر انك لو كنت طيب و محترم, معناه ان الناس حيفتكروك ضعيف و يلعبوا بيك.

22] تفتكر ان في عالم فيه أكثر من 5 مليار بني ادم من ديانات ومذاهب مختلفة؛ان دينك انت بس هو الصح و هو الدين الوحيداللي عرف ربنا , وأن كل الناس التانيين اللي مش من ديانتك ربنا (اللي انت بتقول انك مقتنع انه رحيم و عادل ) حيوديهم النار حدف! ماتخافش تسأل نفسك كل شويه انت افكارك صح ولا غلط … ماتخافش انك تبقي مش طبيعي او مختلف! #منير_الشاذلي

#Monir_El_Shazly (مستوحاه من مدونة Paulo_Coelho مع تغيير كبير) (ترجمه للي بعته امبارح بناء علي طلب الجماهير 🙂