انا عايز ابني يطلع احسن مني

انا عايز ابني يطلع احسن مني!

——– ناس كتير بتضحّي و بتحرم نفسها من حاجات كتيره في الدنيا علشان خاطر ولادها …بس السؤال هنا…هل ده بيخلي ولادهم سُعدا ؟… للاسف الاجابه في معظم الاحيان “لأ” رغم ان الاهل بيبقي نفسهم ولادهم يطلعوا احسن منهم… و يوَفرولهم حاجات ماتوفرتش ليهم… المشكله ان اللي بيحصل في معظم الاحيان هو العكس تماماً الاهل اللي بيضحوا علشان خاطر ولادهم و بيعيشوا حياه تعيسه مابيخدوش بالهم ان المثال اللي هم بيدّوا لولادهم هو ان لازم الواحد يضحي بسعادته علشان “المركب تمشي “.. و في معظم الاحيان ولادهم بيعملوا نفس الاختيارات بعد كده. كمان الاهل اللي بيتحملوا اكتر من طاقتهم علشان يعلٖموا ولادهم في مدارس اكبر من طاقتهم ، في معظم الاحيان بيحملّوا ولادهم توقعات اكبر من قدرتهم …توقعات بتتناسب مع حجم التضحيات اللي عملها الاهل… و ده في معظم الاحيان بيطلّع ولاد مش سعدا.. و بيأثر علي العلاقه اللي بين الاهل و الاولاد. الخلاصه من كده ، هو ان احسن حاجه بشوفها ممكن يعملها الاهل لولادهم انهم يشتغلوا علي نفسهم و علي سعادتهم… علشان ده بيكون اكبر مثال الاهل ممكن يدّوه للاولاد علشان يطلعوا سعدا….و علشان الاولاد مايشيلوش المشاكل و العقد اللي اهاليهم ماعرفوش يحلّوها.. لو عايز ولادك يطلعوا سعدا في حياتهم…. اشتغل علي نفسك و خليك سعيد في حياتك! #منير_الشاذلي #Monir_El_Shazly