انا #ضحيه… و الموضوع عاجبني 👍

“ملعون ابو الناس العزاز”…. ——- بخلاف الادعيه الدينيه ، اتملت صفحات “الفيس بوك ” من اول رمضان بالجمله السخيفه دي… و ابتدا معظم الناس يرددوها و يحطوها ستاتس ( profile status) … و طبعا كل واحد حر يقول او يعمل اللي هو عايز يعمله… اللي انا بس احب اسأله لكل واحد حط ال ستاتس دي عنده… يا تري ايه شعورك وانت بتحطها …و شعورك و انت بتقراها وواخدها حكمه في #الحياه؟ لو كان شعورك ان الحياه حلوه و حسيت انك مقبل و متفائل.. يبقي خير… حطها و العن زي ما انت عايز.

انما لو كان شعورك انك صعبان عليك نفسك و حاسس ان “#الدنيا غداره… و مافيش حد ممكن تثق فيه ابدا” ، يبقي خلي بالك ان هو ده بالظبط اللي انت حتشوفه في حياتك الفتره الجايه.

بمعني اخر ، لو انا لابس نظارة ان ” الناس كلها ملعونه و زباله و مفيش حد ممكن اثق فيه حتي اقرب الناس” ، هل ده حيخلي تصرفاتي مع الناس تخليني اقرب منهم او اعرفهم ؟… هل ده حيخلّي حياتي احسن ؟… هل ده حيخلّيني متحمس اتعرف علي الناس اللي ربنا حيحطهم في حياتي ؟… لما تفضل لابس النظاره دي، حياتك حتفضل كلها متلونه باللون ده ،… و بعد اللون ده ماتستغربش انك تكون وحيد و تعيس و ماحدّش عايزك في حياته. لو عايز تشوف الحاجات الكويسه في “الناس العزاز ” ، بطّل تلعنهم … و لو مش عايز تكون #ضحيه.، بطّل تصعب عليك نفسك… و بطل تشوف نفسك ضحيه …

اه، و بطّل تسمع اغاني الصعبانيات 😀 #منير_الشاذلي #Monir_El_Shazly