التعلق… و التخلي.. . و الزهد

Monir El-Shazly
Jun 9, 2017
2 min read

ناس كتير اتكلمت معايا بعد اللي كتبته امبارح عن مفهوم #التخلي giving -up … و لاحظت ان فيه ناس حاسه ان عكس #التعلق attachment هو التخلي … و ده ما كانش قصدي خالص.

.في وجهة نظري. التعلق attachment هو انك تتعلق بحاجه و تبقي نفسك تفضل موجوده علي طول ..بنفس الشكل و بنفس الكيفيه. او انك تربط سعادتك بحاجه حصلت او حتحصل ( او شخص طبعا) … و في رأيي ان دي هي “وصفة التعاسه في الدنيا” 😀 .

فيه ناس بتفتكر ان التعلق دليل علي #الحب… بس في الحقيقه ، التعلق دليل علي #الخوف. و هو ابعد مايكون عن الحب. من ناحيه تانيه #عدم_التعلق detachment (و ده ممكن نسميه #الزهد. علي الرغم ان في رايي ان دي تسميه ممكن تختلط علي ناس كتير) ، يعني انك تحب الحاجه و تستمتع بيها ، بس من غير ما تبقي عايز تملكها او انها تفضل علي طول و من غير ما حبك للحاجه ينسيك نفسك . هو حب من غير شروط او خوف. حب مافيهوش احساس بالسيطره او الامتلاك…. و استمتاع باللحظه من غير مايكون فيه خوف من ضياعها او انتهائها. اما عن #التخلي giving up فده معناه في رأيي انك تسيب حاجه مش مفيده ليك دلوقتي. ممكن كانت مفيده ليك زمان…انما جه الوقت اللي لازم تسيبها فيه. ممكن التخلي يحصل عن حاجه انت بتحبها ( و ده نوع من انواع عدم التعلق) ، و ممكن يكون عن فكره انت متصورها او عن هدف انت كنت عايز تحققه بس نظرتك ليه اتغيرت . و اما الزهد.. . فمش حلاقي احسن من قول الامام علي عنه : ” ليس الزهد ان لا تملك الشئ ، ولكن الزهد ان لا يملكك الشئ”. استمتع بكل حاجه حواليك..من غير ماتخاف انها تمشي… لأنها حتمشي… و حييجي حاجه غيرها تستمتع بيها ( و ماتنساش تشكر ربنا عليها لما جت…. و عليها لما مشيت :-)) #منير_الشاذلي